Franca në një përballje në familje me Marokun në çerekfinalen e parë të Botërorit. Një miqësi e gjatë, lindje dhe rritje në të njtën lagje, por edhe origjinë e përbashkët e bëjnë këtë sfidë një ndeshje mes “armiqsh” për 90 minuta dhe miqve të përjetshëm.
Një pasqyrë e gjendjes aktuale, por sidomos e asaj që skuadrat kanë prodhuar në historinë e tyre të re apo të vjetër bëjnë favorite absolute ekipin e Deshamp. Por kujdes. Marokenët janë kampionë të Botës për U20, kanë të njëjtin trajner, kanë ndryshuar mentalitetin dhe njkohësisht nuk janë më ajo skuadra e frikësuar përballë emrave të mëdhenj. Këtë e kanë mësuar më parë spanjollët në Botërin e kaluar dhe e kanë të freskët brazilianët dhe holandezët në këtë Kupë Bote.
Skuadra franceze po synon një finale të tretë radhazi
Burrat e Didier Deshamp kanë fituar pesë ndeshje në këtë kompeticion dhe konsiderohen favoritët kryesorë në garën për titull. Ndeshja kundër Paraguait në raundin e 16 rezultoi shumë e vështirë për francezët, por favoritët ishin në gjendje të tregonin karakter dhe të rrëmbejnë një fitore vendimtare falë një goditjeje të saktë të Kilian Mbape nga pika e penalltisë. Për kapitenin e skuadrës franceze, ky gol ishte i shtati i tij në këtë kompeticion dhe i 19-ti në të gjitha ndeshjet e tij të Kupës së Botës.
Skuadra franceze luan futboll sulmues të jashtëzakonshëm. Ajo ka yje globalë si Osmane Dembele dhe Majkëll Olise në radhët e saj. Pavarësisht fuqisë së ekipit francez, finalistë në Kupën e Botës në Katar dhe kampionë në 2018 në Rusi, përballja e tyre me Marokun do të jetë një provë e vërtetë. “Luanët e Atlasit” dallohen nga një mbrojtje shumë solide, një kapacitet i madh për rezistencë dhe një aftësi për të shkaktuar probleme të rëndësishme gjatë kundërsulmeve.
Maroku bën sërish histori
Skuadra afrikane vazhdon të tregojë rezultate të shkëlqyera në këtë Botëror të dytë radhazi. Gjatë fazës së grupeve, marokenët nuk pësuan asnjë humbje, duke arritur në total 7 pikë. Në fazën eliminatore, ata mundën Holandën me penallti dhe fituan lehtësisht kundër Kanadasë me rezultatin 0-3. Mbrojtja e kombëtares marokene nuk pëson shumë gola, ndërsa sulmet e saj para portës së kundërshtarit bëhen më intensive me çdo ndeshje të luajtur. Sulmuesi i krahut Brahim Diaz mbetet një nga lojtarët më kreativë të Marokut, pasi ai tashmë ka dhënë katër asistime në këtë turne të mbajtur në Shtetet e Bashkuara. Nuk duhet të harrojmë kapitenin Ashraf Hakimi apo golashënuesin e skuadrës, Ismail Saibari. Ky i fundit u dëmtua gjatë ndeshjes kundër Kanadasë dhe ka të ngjarë të humbasë ndeshjen kundër Francës. Mungesa e tij mund të jetë një humbje e konsiderueshme për “Luanët e Atlasit”. Megjithatë fjalën përfundimtare për lojtarin e sapoblerë nga Bajnerni I Mynihut do të vendoset vetëm ditën e ndeshjes.
Statistikat Francë – Marok dhe kronologjia e konfrontimeve të drejtpërdrejta
“Luanët e Atlasit” nuk e kanë mposhtur kurrë më parë ekipin francez. Dy skuadrat janë përballur gjashtë here. Gjigandi europian ka fituar katër herë, ndërsa dy takimet e tjera kanë përfunduar në barazim. Ndeshja më e paharrueshme mes Francës dhe Marokut u zhvillua në gjysmëfinalet e Kupës së Botës 2022 në Katar. Me atë rast, skuadra e Didier Deshamp fitoi 2-0 dhe u kualifikua për në finale.
Sa shanse ka Maroku kundër Francës
Sipas ekspertëve, besohet se skuadra e Didier Deshamp është favoriti i madh në këtë ndeshje. Shanset për një fitore për ekipin francez janë 1.63, ndërsa ajo e Marokut është 6.55. Është e mundur është që ndeshja mund të përfundojë për 90 minuta në barazim dhe kjo shenjë kuotohet me një koeficient 4.
Discussion about this post