Interi arriti të ndalë Manchester City-n në ndeshjen e parë të Champions League këtë sezon dhe këtë e bëri në fushën e anglezëve dhe në një moment kur Haaland po kalonte një superformë.
Pas takimit në Manchester, për media italiane ka folur presidenti i zikaltërve, Beppe Marota, i cili është shprehur se Interi ka mundësi të fitojë Champions League-n këtë sezon. Ai zbuloi edhe kontaktet që kishte pasur me Haaland që në kohën kur ky i fundit luante në Norvegji.
“Ne drejtuesit kemi pasur kushtet e duhura për të punuar mirë gjatë këtyre viteve. Ia dolëm që të ndërtojmë skuadra kompetitive, si me pronarët e vjetër ashtu edhe me të rinjtë. Kjo më jep shumë kënaqësi.
Haland? Kam qenë pranë tij kur luante në Norvegji. Ma kanë sugjeruar dhe erdhi në Torino për të parë një ndeshje mes Juves dhe Interit. Ishim afër, por patëm probleme burokratike. A mund ta fitojë Interi Champions-in? Po”, tha Marota.
Discussion about this post