Kjo merkato ka sjellë një sërë lajmesh për të ardhmen re talentit francez Kylian Mbappe. Pavarësisht se shpesh herë ai e ka bërë të dukshme dëshirën për t’u transferuar në Spanjë te Real Madrid, klubi francez i PSG-së nuk ka qenë në një mendje me të.
Megjithatë së fundmi nga radio stacioni spanjoll Cadena Ser, përmes AS, raportohet se 22-vjeçari tashmë ka marrë një vendim për këtë sezon.
Pretendohet se Kylian Mbappe i ka thënë Paris Saint-Germain se do të qëndrojë në Francë edhe një vit tjetër, të paktën.
Atij i ka mbetur edhe një vit nga marrëveshja e tij aktuale me francezët dhe duket se nuk do të lëvizë këtë verë për në Madrid.
Nga ana tjetër Reali thuhet se është i lumtur të presë një vit para se të bëjë lëvizjen e tij për Mbappe, pasi në atë mënyrë ‘Los Blancos’ mund ta përfitojnë kartonin e 22-vjeçarit falas./Gijotina.com
