Pritet që hetimet për vrasjen e 63-vjeçares, Fatime Suli, e cila u ekzekutua në 20 janar të këtij viti në fshatin Kozare të Kuçovës të marrin një kthesë tjetër.
Familjarët e 63 vjeçares, Fatime Suli kërkojnë rikthimin e dosjes në Prokurorinë e Beratit pasi pretendojnë se autori Fetah Mara nuk e ka kryer i vetëm krimin.
Avokati i familjes Suli, Ramiz Oboni deklaron se në seancën paraprake që do të zhvillohet pas disa ditësh ata do të kërkojnë që çështja të rikthehet përsëri në Prokurorinë e Rrethit Berat, për hetime të mëtejshme, pasi familjarët kërkojnë marrjen si të akuzuar për bashkëpunim në vrasje edhe të një shtetasi tjetër.
Sipas avokatit Oboni, nëse Gjykata e Beratit në seancën paraprake nuk do ta pranojë kërkesën për rikthimin e çështjes në Prokurori, ata do të kërkojnë thirrjen në gjyq si dëshmitarë të Izetit por edhe të një shtetasi të tretë me emrin Luli, që familjarët e cilësojnë si “dëshmitar okular” në ngjarjen e rëndë. 63-vjeçarja Fatime Suli u vra mbrëmjen e 20 Janarit 2022 në tokën e saj në fshatin Kozare në Kuçovë.Ajo u gjet e vdekur në një kanal,gjysmë e zhveshur dhe e mbuluar me gjethe e rrozga.
Discussion about this post