Duke marrë shkas nga numri i lartë i aksidenteve në vend qeveria ka vendosur që të përforcojë rregullat për aturoshkollat dhe kursantët që duan të pajisen me patentë. Në një vendim të publikuar në Fletoren Zyrtare qeveria parashikon se drejtuesit e automjeteve dhe autoshkollat tashmë do të përballen me disa ndryshime në rregulloren për patentat.
Rregullorja e re përfshin zgjatjen e vlefshmërisë së testit të teorisë deri në 1 vit, forcimin e masave shtrënguese për drejtuesit e mjeteve në bazë të pikëve. Në rregulloren e re përfshihet dhënia e mundësisë për kalimin nga leje drejtimi e kategorisë B në leje drejtimi të kategorisë D pas përmbushjes së kritereve të vjetërsisë prej 3 vite si dhe regjistrimin për marrjen e kategorisë A pasi ke moshës 24 vjeç. Ekspertët e sigurisë rrugore kërkojnë ngritjen e strukturave për të garantuar zbatimin e tyre dhe sipas tyre vendosja e një tjetër rregulli vlerësohet si i nevojshëm.
Discussion about this post