Trajneri i skuadrës së Teutës, Edi Martini ka theksuar se fitorja ndaj Kuëksit ishte e vuajtur dhe e merituar. Më pas trajneri u ndal tek lojtarët individual.
“Për ju është ndeshje e bukur sepse shikoni gola, por për ne nuk është ndeshje e bukur, ne sot vuajtëm, dua të komplimentoj Kukësin. Mungesa e Ivanoviç, ka problemet e veta. Aleksi nuk mund të luaj 2-3 ndeshje si qendërmbrojtësa. Gjë e mirë është që shënojmë gola dhe e kthejmë rezultatin, pjesë e karakterit të rezultatit. Ishim të fortë edhe pa fituar me Kukësin. Kjo fitore na jep pikë më tepër, qetësi dhe siguri.
Është natyra e Aleksit, edhe në stërvitje me shokët në dyluftime, lodhemi duke i folur, por temperamenti i tij e bën të jetë efikasës. Duhet të qetësohet akoma më tepër. Është një problem që e kemi ngritur, por nuk po mundemi ta rregullojmë tamam.
Po mësohemi gradualisht, kam filluar ta mbaj emocionin. Edhe në Shkodër edhe me Partizanin, janë dhënë gjykime të tilla, kur i kam parë jam bindur. Është në ndihmë të futbollit. Është bërë mirë që u vendos.
Me këto atletet e kuqe kam fituar 4 kupa, shpresoj që të fitoj edhe të 5-tin e pastaj të shikoj nëse do t’i heq apo jo.
Xhekson Është një lojtar që ka momente sigurie të tepruara, por është një lojtar që jeton me lojën. Nga besimi i tepër që ka edhe gabon. Vitin e shkuar s’na ka bërë asnjë gabim. Po nuk bërë gabim, nuk do të shikojmë gola. Me kualitetin që ka, është një nga mbrojtësit më të mirë që ka Shqipëria”, u shpreh Martini.
