Trajneri i Teutës, Edi Martini ka folur pas sfidës së skuadrës së tij me Egnatian, të cilën e fitoi me rezultatin 0-1 në transfertë, duke theksuar se lojën e kishin në kontroll, por nuk po mund të realizonin dot.
Martini u shpreh se Egnatia ua vështirësoi punën, por ata mundën që të riktheheshin te fitorja pas disfatës që pësuan me Tiranën javën e kaluar.
“Normalisht ishte ndeshje shumë e rëndësishme për ne, pas humbjes me Tiranën. Situata s’ka qenë e mirë. Kemi folur me lojtarët për t’u kthyer shpejt. Ishin shumë të rëndësishme pikët, ndoshta jo me një lojë të mirë. Ishim cinikë dhe atë që treguam gjithë javën, e morëm. Këto ndeshje, ku është i rëndësishëm aspekti psikologjik. Ishim të pasigurt në veprimet tona. I kushtuam kujdes fazës mbrojtëse. Jemi rritur, kemi fituar siguri me këtë sfidë sepse është rrugë e gjatë.
Tensioni? Ne kemi biseduar. Egnatia është ekip simpatik. Luan mirë me topin. Na krijoi vështirësi. Pjesa e parë ishte më e kujdesshme nga ana jonë. S’ishim konkretë, na mungoi pasi i fundit në pjesën e parë. Nuk duhej të pësonim gol, kjo ishte e rëndësishme. Qarkulluam topin dhe e kishim lojën nën kontroll. Pas pjesës së parë ndryshuam diçka dhe ia arritëm.”-tha tekniku Martini./K.T/Gijotina.com
