Zv/myftiu i Shkodrës, Arben Halluni, ka dhënë sot një mesazh të rëndësishëm për të gjithë qytetarët. Gjatë fjalës së tij në faljen e namaizit ai u ndal tek disa prej gjërave të ndaluara të fesë islame, siç janë gjakmarrja dhe kamata. Ai tha se si pasojë e anashkalimit të mësimeve islame dëgjojmë në Shkodër për probleme me kamatën dhe fajden, që përfundojnë me epilog tragjik. Një thirrje e kishte edhe për drejtuesit e vendit.
“Ndalimi i gjakmarrjes, kamatës dhe fajdes, janë tradita të këqija që iu sollën fatkeqësi njerëzve. Huadhënësi dhe huamarrësi duhet të marrë vetëm atë që ka dhënë. Sot jo rrallë dëgjojmë për probleme kamatash dhe fajdesh, ruhuni nga prostitucioni dhe xhelozia bashkëshortore, martohuni me ato që i doni, dhe respektoni e doni njëri tjetrin. Të vendoset barazia sociale nga drejtuesit e vendit”, shprehet Halluni.
Besimtarët muslimanë në qytetin e Shkodrës e falën këtë të shtunë namazin e Kurban Bajramit në sheshin pranë xhamisë “Ebu Bekër”.
Discussion about this post