Kanë kaluar vetëm pak ditë nga atentati mafioz në Lushnjë ku humbi jetën biznesmeni Bledar Muça dhe u plagosën 5 të tjerë, ndërsa sot gjendja e të plagosurve është stabilizuar. Mësohet se Elvis Tafani, një nga pesë të plagosurit e atentatit ndaj Muçajt duket se ka shpëtuar mrekullisht. 24-vjeçari që ishte klientë gjatë atentatit, është prekur nga pesë plumba, dy prej të cilëve kanë depërtuar tejpërtej në trup. Mjekët kanë arritur t’i shpëtojnë jetën të riut duke i hequr predhat nga trupi. Në gjendje të stabilizuar dhe jashtë rrezikut për jetën, ndodhen dhe pesë të plagosurit e tjerë të atentatit ku mbeti i vrarë Bledar Muçaj.
Sakaq theksojmë se lidhur me ngjarjen policia ende nuk ka një konfirmim rreth motive dhe autorëve të saj. Ndërkohë, pesë të plagosurit e këtij atentati vijojnë të marrin trajtim spitalor, ku situata më e rënduar duket për 24-vjeçarin Elvis Tafani.
