Menjëherë pasi ndodhin sulmi në Deçan, në vendngjarje kanë dalë kryeprokurori i Prokurorisë Speciale dhe kryeprokurori i Prokurorisë në Pejës për të hetuar rrethanat e kësaj ngjarje tragjike. Në një njoftim për shtyp, Prokuroria e Shtetit në Kosovë i ka bërë thirrje qytetarëve që të bashkëpunojnë me efektivët për të gjetur sa më parë autorin e ngjarjes.
Zëvendësdrejtori i Policisë Rajonale të Pejës, Veton Elshani, ka deklaruar se dyshimet e para bazuar në hetime, tregojnë se sulmuesi i autobusit mund të ketë qenë i vetëm, në kryerjen e veprës së rëndë në Gllogjan të Deçanit sonte, ku vdiqën tre persona, shoferi dhe dy nxënës. Gjithsesi, po mblidhen të gjitha provat për të zbardhur më shumë detaje, ndërkohë që policia është në kërkim të autorit.
Discussion about this post