Masakroi kunatën me sëpatë, Gjykata lë në burg Tefik Tashin

Gjykata e Elbasanit ka dhënë masën “Arrest në burg” për Tefik Tashin, i cili vrau me sëpatë dy ditë më parë kunatën e tij, Alma Qevanin.

Përpara grupit hetimor Tafik Tashi deklaroi se e vrau kunatën e tij Alma Qevanin, pasi ajo kishte ditë që nuk e lejonte bashkëshorten e autorit të shkonte në shtëpinë ku jetonin së bashku.

Kjo ka qenë pikënisja e konfliktit që përfundoi në tragjedi. Gjithashtu, përpara hetuesve Tafik Tashi ka pohuar se kunata e tij Alma e ofendonte shpesh, sidomos kohët e fundit duke i thënë se është impotent.

“Kishte kohë që më ofendonte nuk munda ta duroj dot, ma thoshte sa herë madje edhe në prani të familjarëve fjalën impotent”, është shprehur Tashi.

Kujtojmë se Tefik Tashi, 58-vjeç i cili vrau kunatën në rrugë më sëpatë ishte i dehur kur kreu krimin makabër në fshatin Kusarth, Elbasan.

Fillimisht mes të dyve ka pasur një debat verbal, teksa situata është tensionuar dhe me sëpatën që kishte në dorë qëlloi drejt 44-vjeçares.