Masakroi me thikë dhe çekiç fqinjin e moshuar, arrestohet 39-vjeçari në Durrës

Është arrestuar autori i vrasjes së 82-vjeçarit në Durrës.

39-vjeçarit (fqinj i viktimës) është vënë në pranga pas disa orësh kërkim, pasi vrau me thikë dhe me çekiç, për motive të dobëta të moshuarin. Më pas ai fshehu mjetet e krimit dhe mbylli me çelës nga jashtë derën e banesës së viktimës.

Pas disa orësh punë hetimore dhe profesionale në bashkëpunim me Prokurorinë, Policia zbardhi ngjarjen, identifikoi autorin e vrasjes dhe e shpalli në kërkim shtetasin Fation Janina, 39 vjeç.

Autori dyshohet se e ka vrarë të moshuarin me thikë dhe çekiç për motive të dobëta, më pas fshehu mjetet e krimit dhe mbylli me çelës nga jashtë derën e banesës së viktimës.

Nga hetimet dyshohet se autori, 39-vjeçari Janina kishte shkuar në banesën e të moshuarit, për t’i kërkuar atij para, por Gina nuk i kishte dhënë.

Në këto kushte, Fation Janina e ka goditur me sende të forta dhe thikë, duke i shkaktuar plagë të shumta, me pas i ka marre nje shume prej 800 mije lekesh te vjetra.

Shenjat ne trup dhe mënyra sesi është kryer vrasja (mbyllja e derës) kane çuar policinë në dyshimet se autori ka qene person qe njihet me viktimën.

Sapo kane nisur hapjet e kamerave te sigurisë të një karburanti ngjitur është konstatuar lëvizja e fundit e viktimës dhe hyrjet e daljet e vetme qe kane ndodhur ne pallat gjate kësaj fashe orare, që kanë qenë ato të fqinjëve.

Pasi kanë siguruar informacione nëpërmjet rrugëve operative dhe i kane bashkëngjitur dhe hetimet qe janë bere, blutë e qytetit të Durrësit kane konstatuar armët e krimit ne banesën e Fation Janinës. 39-vjeçari sipas te dhënave është konsumues alkooli dhe dyshohet qe mund të këtë qene dhe i pire kur ka ndodhur ngjarja.