Ka dalë para gjykatës shqiptari që masakroi me thikë bashkëshorten e tij, 40-vjeçare në Greqi. 51-vjeçari doli para togzave të zeza me pranga në duar dhe i shoqëruar nga efektivë policie.
Ai u shfaq i penduar për krimin e kryer ndërsa bërtiti duke i kërkuar falje fëmijëve të tij.
Autori goditi me thikë bashkëshorten mbrëmjen e së dielës së kaluar në banesën e tyre në Tsilivi të Zakynthos.
40-vjeçarja, para orë para se të vritej, ishte dhunuar brutalisht nga i shoqi dhe kishte shkuar në komisariatin e Zakynthos, ku denoncoi për herë të dytë për dhunë në familje.
Pasi ajo është kthyer në banesë, ndërkohë që autoritetet po kërkonin bashkëshortin e saj, 51-vjeçari i kishte shkuar në shtëpi dhe pasi gruaja nuk ishte përgjigjur kishte thyer derën.
Ai kishte nisur ta dhunojë sërish dhe në tentativë për tu arratisur viktima vrapoi tek shkallët e fqinjit, por sulmuesi e kapi atë, e dhunoi, i hodhi një vazo me lule para se ta godiste me thikë. Policia arriti ta arrestojë autorin 51 vjeçar 24 orë pas ngjarjes së rëndë.
Discussion about this post