Iraku ka dënuar 14 persona me varje për rolin e tyre në masakrën e grupit Shteti Islamik ndaj qindra kadetëve të ushtrisë në vitin 2014.
Lajmin e kanë dhënë zyrtarët gjyqësorë të enjten. Hetimet për masakrën, një nga më të këqijat e kryera nga ISIS në Irak, zbuluan se ekstremistët në qershor të vitit 2014 rrëmbyen deri në 1 700 kadetë kryesisht shiitë nga baza ushtarake Speicher në rajonin e Tikrit dhe i ekzekutuan ata, shkruajnë mediat e huaja.
Gjykata Penale Al-Rusafa në kryeqytetin Bagdad “lëshoi dënime me vdekje kundër 14 terroristëve kriminelë për pjesëmarrjen e tyre në masakrën e Camp Speicher në 2014”, tha autoriteti gjyqësor në një deklaratë, pa specifikuar kombësinë e tyre.
Discussion about this post