Dy shqiptarë u arrestuan si autorët e dyshuar të plagosjes së rëndë të një 73-vjeçari grek, gjatë një tentative grabitjeje.
Mediat greke raportojnë se dy të rinjtë me origjinë shqiptare, 25 dhe 18 vjeç, u zbuluar pasi kishin lënë kanaçet me pijet energjike dhe mbetje ushqimore, që më pas çuan në identifikimin e tyre nga autoritetet policore.
Dy autorët kishin ngritur një kartel jashtë shtëpisë së 73-vjeçarit, duke lënë mbetje dhe një kanaçe me pije alkoolike, të cilat i kishin blerë nga një supermarket aty pranë, ndërsa punonjësi që i shiste i kishte parë.
73-vjeçari, viktima e një grabitjeje brutale me thikë në shtëpinë e tij në Kefaloni, mbrëmjen e së mërkurës, po lufton për të qëndruar gjallë në Spitalin Universitar të Janinës.
Sulmuesi 25-vjeçar e ka goditur me thikë në bark, kofshë dhe brinjë fatkeqin, pasi fillimisht i ka kërkuar para.
Autorët u arrestuan, por familjarët e 73-vjeçarit po përjetojnë momente dramatike ankthi për shkak të kritikës së situatës së tij.
“Dy 24 orët e ardhshme janë shumë kritike”, tha nipi i 73-vjeçarit për Mega.
Ai tregon habinë e tij për këtë veprim të dhunshëm të autorëve teksa shprehet se i ka parë çdo ditë në ishull dhe nuk e imagjinonte se do të bënin diçka të tillë.
“Autorët ishin banorë të zonës. Ata punonin në ndërtim”, thotë konkretisht Nikos Stamoulis për të shtuar se xhaxhai i tij jetonte vetëm në shtëpi.
“Shtëpia nuk kishte para. Ata donin të vrisnin dajën tim që të mos i njihte”, shton ai.
“Kam rënë nga retë, i kam njohur fëmijët. I kemi parë përditë, jemi shoqëri e vogël. Jemi në shok”, thekson Stamoulis.
Historia e grabitjes
Dy shqiptarët fillimisht thyen dritaren e shtëpisë së të moshuarit në Agia Efimia, ku 25-vjeçari hyri në shtëpi dhe 18-vjeçari bënte roje.
Sipas ERT, kur 73-vjeçari ka hyrë në shtëpinë e tij, 25-vjeçari shqiptar e ka sulmuar me thikë, duke e goditur afërsisht 10 herë në bark dhe në teh të shpatullës. Më pas dy grabitësit u larguan.
Viktima arriti të dilte në rrugë i gjakosur dhe të thërriste ndihmë, duke u shembur në shtëpinë më të afërt që gjeti.
Më në fund, dy shqiptarët u arrestuan pasditen e së enjtes nga punonjësit e policisë së Departamentit të Sigurimit të Argostolit dhe Grupit të Parandalimit dhe Shuarjes së Krimit (OPKE) të Kefalinisë.
Discussion about this post