Hyrja në fuqi e masave të reja anti-Covid në Maqedonin e Veriut, ka bërë që të mos ketë më fluks emigrantësh në pikën kufitare të Qafë Thanës.
Nisur që nga dita e sotme, autoritetet e RMV njoftuan se në vendin fqinj nuk mund të hyjnë persona të cilët nuk kanë certifikatë vaksinimi ose test negativ të 72 orëve të fundit.
Për personat tranzit, plotësohet formular në pikën maqedonase se do të largohen nga territori brenda pak orëve. Ndërkohë në hyrje drejt Shqipërisë nuk ka ende asnjë kusht, pasi pritet të hyjnë në dt 6 shtator ku qytetarët duhet të paraqesin tampon negativ ose certifikatë vaksinimi.
