Rreth 2 mijë forca policore do të jenë sot në protestën e thirrur nga ish-kryeministri Sali Berisha, në kundërshtim me vizitën e Aleksandër Vuçiç në Tiranë.
Mësohet se shtyllat ku janë vendosur kamerat e sigurisë do të lyhen me graso me qëllim që protestuesit të mos munden të ngjiten për të dëmtuar kamerat. Ndërkohë në bulevardin “Dëshmorët e Kombit” janë vendosur flamujt e Maqedonisë së Veriut dhe të Serbisë e Shqipërisë, ku nuk përjashtohet mundësia e incidenteve me grisjen apo djegien e tyre. Protesta është paralajmëruar rreth orës 16:00 ndërkohë grumbullimi do të nisë në ambientet e oborrit të PD-së.
Rikujtojmë se Aleksandër Vuçiç dhe Zoran Zaev vijnë sot pasdite në kuadër të samitit “Open Ballkan”.
Discussion about this post