GJKKO caktoi sot dy masa sigurie ndaj ish-mninistrit të Shëndetësisë, Ilir Beqaj, lidhur me hetimet e SPAK për koncensionin e sterilizimit.
GJKKO miratoi kërkesën e SPAK për të caktuar masat “detyrim paraqitje” dhe ndalim dalje jashtë vendit ndaj ish-ministrit të Edi Ramës, i cili e kishte caktuar Beqajn së fundit edhe negociator për Bashkimin Europian.
Caktimi i masave të sigurisë ka sjellë reagime nga opozita dhe mazhoranca, por edhe të ish-ministrit të Shëndetësisë, i cili tha se besonte se ishte i pafajshëm dhe figura e tij do të pastrohet nga ky hetim, ndërsa shtoi se nuk do të ankimonte vendimin e GJKKO, edhe pse kishte konstatuar shumë shkelje.
Ish-deputeti demokrat Myslim Murrizi, në një reagim në rrjetet sociale, ka kujtuar një takim me Beqajn në gusht të 2023.
Murrizi shkruan se është “befasuar” dhe është “prerë në besë” nga SPAK, lidhur me masat ndaj Beqajt, ndërsa kujton edhe raportimet mediatike.
“Edhe pse në 31 gusht 2023 kur e takova në stadiumin e Elbasanit, disa portale gazeta apo individe aluduan se takimi me mua i kishte dhënë imunitet, sot u “befasova” shumë me këtë akt “besë prerje” të SPAK-ut.
Edhe kur kam thënë në disa tv që deri në dhjetor do të hyjnë në kokërr të burgut disa ish ministra nga të gjitha qeveritë, prap më kanë paragjykuar si njeri që ja fus kot se këta shejtanër e “kanë rregulluar” me SPAK-un me shifra marramendëse eurosh.
Tani ishalla nuk na gjen ndonjë “hata” e madhe Fridën e akademisë së barinjve dhe 5-6 të tjerë, se pastaj të gjitha kusuret do të bien mbi mua që ja fus “kot” fare.
Për tjetër nuk po them gjë më, se kush duron portalet pastaj”, shkruan Murrizi.
Discussion about this post