Tre ditë më parë SPAK shpalli kërkesën e arrestit për 7 punonjës të Drejtorisë së Tatimeve Durrës, pasi kryenin manipulime me skemën e TVSH. Në këtë kuadër u bë i mundur kontrolli dhe arrestimi i 5 prej tyre, ndërsa dy zyrtarë të tjerë janë ende në kërkim. Sakaq, njoftohet se 5 të arrestuarit kanë dalë sot para Gjykatës të Shkallës së Parë Durrës. Sipas njoftimit seanca gjyqësore për 5 të pandehurit Ali Agolli, Ben Caka, Enis Xhaferi, Regan Merdani dhe Roland Avdo u mbajt në orën 9 e 30 dhe në përfundim, Gjykata e Durrësit vendosi për masën e sigurisë arrest me burg për këta persona dhe detyrim paraqitje për 3 shtetas të tjerë, si dhe masën e sigurimit pasuror, sekuestro-preventive për disa prona, vlera e të cilave paraprakisht kalon 2 milion euro.
Konkretisht, Nga hetimet financiare të kryera është bërë e mundur identifikimi dhe sekuestrimi i aseteve të mëposhtëmve: Një shoqëri e quajtur “Alfa Nikel”, në vlerën 1,200,000 Euro. Një hidrocentral me një sipërfaqe 700 m² truall, ne Dhërmi, Vlorë dhe një apartament me sipërfaqe 215 m², ne Vlorë.
Kujtojmë se, pesë punonjës të Drejtorisë së Tatimeve në Durrës janë vënë në pranga 3 ditë më parë me urdhër të prokurorisë së Durrësit, pas një hetimi 1- vjeçar për një skemë mashtrimi me TVSH-në.
Bëhet fjalë për një skemë mashtrimi që konsiston në krijimin e 5 subjekteve private thuajse fantazmë me qëllim shmangien e detyrimeve fiskale. Sipas të dhënave, bëhet fjalë për rreth 6 milion euro detyrime të papaguara. Administratorë dhe punonjës firmash plotësonin fatura fiktive.
Gjykata sqaron se, këta shtetas kryenin punime në fushën e ndërtimit dhe fusha të tjera, të padeklaruara në organet tatimore, produkte të cilat janë blerë pa dokumente tatimore, si dhe punimet janë kryer nga punonjës të paregjistruar dhe padeklaruar në organin tatimor.
Discussion about this post