Kryeministri Rama ka ndryshuar 180 gradë qëndrim brenda 48 orëve për krizën energjetike, duke mbajtur dy qëndrime për Shqipërinë, nga ai për “superfuqi energjetike” në atë për “krizë energjetike”.
Vetëm dy ditë më parë, pikërisht më 1 tetor 2021 gjatë një konferencë të kombeve të bashkuara në Abu Dhabi, Kryeministri Rama deklaronte se Shqipëria pret të bëhet superfuqi energjetike. ‘Jemi të përqendruar në diversifikimin e energjisë. Qeveria do miratojë planin e ri në përputhje me agjendën e komunitetit të energjisë. Shqipëria pret që brenda kësaj dekade të bëhet një eksportuese neto e prodhimit të energjisë’, tha Rama.
Por vetëm dy ditë pas kësaj deklarate përballë liderëve botërorë, kryeministri Rama doli i pikëlluar përballë shqiptarëve, duke deklaruar se pas tërmetit dhe pandemisë, jemi përballë një tjetër fatkeqësie.
“Nuk është as tërmet, as virus, as përmbytje, nuk kërcënon jetë njerëzish, por në aspektin ekonomiko-social, ka një energji negative, që mund të ketë efekte gjithë aq tronditëse në jetën e familjeve, bizneseve, shoqërisë. Kjo është kriza e jashtëzakonshme energjetike, e cila vetëm sapo ka nisur të japë shenjat e saj tejet shqetësuese në tregjet e mëdha të botës”, deklaroi Rama.
Por kryeministri vizionar nuk e kishte planifikuar krizën energjetike që mbërriti brenda dy ditësh?
Në këto kushte, pyetja që lind është kë mashtroi Rama liderët botërorë, apo qytetarët shqiptarë, të cilët i përgatiti për një rritje të çmimit të energjisë elektrike, të cilët prej tetë vitesh i mashtron se do të hiqet TVSH-ja e energjisë elektrike, do të ulet çmimi etj. Megjithatë, mbase këto janë pasojat e një opozite në krizë që i jep terren të hapur një qeverie që gërryen në kurriz të shqiptarëve. Gijotina.com
