Aksidenti tragjik/ Ja kush është 17-vjeçari që ndërroi jetë në Greqi (Emri)

Një ngjarje e rëndë u regjistrua ditën e sotme në Greqi, ku një 17-vjeçar shqiptar, me banim në ishullin Kefalonia, ka humbur jetën.

Bashkë me 3 shokë, të rinjtë vendosën të bëjnë një shëtije me makinë, pas shkollës. Fatkeqësisht, shoferi humbi kontrollin e automjetit në rrugën Lasi të zonës Argostoli, makina u kthye përmbys dhe mori flakë menjëherë.

Tre të rinjtë dolën menjëherë, pa lëndime ndërsa 17-vjeçari Fabio nuk arriti të hiqte rripin e sigurimit në sediljen e pasme ku e përpinë flakët. Fabio jetonte prej vitesh në ishull me nënën, ndiqte liceun profesional për shkenca kompjuterike dhe priste me padurim pas mbarimit të maturës të studionte e punonte në Londër, siç rrëfehej shpesh tek miqtë e tij.

Në mbarë ishullin janë të shokuar nga aksidenti tragjik që mori jetën e të riut për të cilin të gjithë kishin fjalë e përshtypjet më të mira.