Mauro Icardi ka edhe dy vite kontratë me PSG, që nuk e ka në plane sulmuesin argjentinas. Ofertat atij nuk i mungojnë dhe klubi që ka këmbëngulur më shumë deri tani ka qenë Monza.
Mediat së fundmi raportojnë si Icardi e ka refuzuar propozimin e italianëve, që luajnë për herë të parë në Serie A. Ai pret propozime të tjera, nga klube që kanë objektiva madhore dhe duan trofe.
Ditët e fundit është përfolur shumë edhe për një interesim të Manchester United për Icardin. PSG është e hapur të bisedojë dhe të gjejë një zgjidhje për sulmuesin, si dhe për disa lojtarë të tjerë që nuk janë në planet e tyre.
Icardi u ble nga PSG verën e vitit 2020, pas një sezoni në huazim ku shënoi 12 gola. Në arkat e Interit ata derdhën 50 milionë euro, por sulmuesi asnjëherë nuk u kthye në një lojtar të rëndësishëm për kampionët e Francës.
Discussion about this post