Për herë të parë ish -kryeministri, Sali Berisha, ka reaguar sa i takon propozimit të Bajram Begajt si president i ardhshëm i vendit. Përmes një postimi në Facebook ai e quan këtë veprim të mazhorancës si antikushtetues. Berisha shprehet se në Kushtetutë ushtarakëve aktivë, u ndalohet rreptësishtë të zgjidhen apo të emërohen në detyra të tjera, dhe shton se ky ishte një akt antikushtetues i rrezikshëm për vendin dhe demokracinë.
“Një akt antikushtetues dhe precedent tepër i rrezikshëm për vendin dhe demokracinë! Të dashur miq, propozimi i shefit te Shtabit te Përgjithshëm te Ushtrisë shqiptare për postin e Presidentit te Republikës është një shkelje flagrante e Kushtetutës se vendit me pasoja shume të renda për të sotmen dhe te ardhmen e vendit.
Kushtetuta e Shqipërisë ne nenin 167 përcakton. “Ushtarakët e shërbimit aktiv nuk mund të zgjidhen ose të emërohen në detyra të tjera shtetërore dhe as të marrin pjesë në parti ose në veprimtari politike. �Pjesëtarët e forcave të armatosura ose personat që kryejnë shërbim alternativ, gëzojnë të gjitha të drejtat dhe liritë kushtetuese përveç rasteve kur ligji parashikon ndryshe”
Ky nen pra u ndalon rreptësishtë ushtarakeve aktiv te zgjidhen apo emërohen ne detyra te tjera. Ndaj dhe ky emërim është antikushtetues dhe i rrezikshëm për te sotmen dhe te ardhmen e demokracisë shqiptare. Kjo shkelje e rëndë e Kushtetutës zhyt vendin në një krizë të rendë kushtetuese”, është shprehur ai. Ndërsa më tutje ka shkruar se, ky rast mund të bëhet precedent që më vonë një tjetër ushtarak të përdor pozicionin e presidentit për të uzurpuar vendin.
Discussion about this post