Pas 136 ditëve, në një “betejë” kokë më kokë mes Donaldit dhe Ilirit, ky i fundit u shpall fitues. Mirëpo fitorja e Ilir Shaqirit duket se nuk është pritur mirë nga të gjithë. Në rrjetet sociale ka pasur thumba dhe ironi për “Big Brother VIP”.
Një pjesë mendojnë se fitorja ka qenë e merituar ndërsa të tjerë thonë se Donaldi duhet të ishte fitues. Vetë aktori i humorit duket se nuk e ka pritur mirë rezultatin final pasi nuk mori pjesë dje kur u xhirua Post Big Brother. Për më tepër, përflitet se kanë hequr dorë nga emisioni “Më lër të flas”.
Regjisori i spektaklit, Eduart Grishaj reagoi duke thënë se të gjithë kanë dalë të fituar por nuk dinë të pranojnë humbjen.
Ndërkaq, një postim që ka bërë dhe Lori Hoxha, producentja e Big Brother, ku duket si një thumb ndaj aktorit: Nëse ju ofrohet një vend në një raketë, mos pyesni se çfarë ndenjëse. Vetëm hipni. Mirënjohëse që isha pjesë e këtij rrugëtimi dhe krenare për të gjithë ata që e bënë këtë të ndodhë. Në vijim të gjërave më të madha dhe më të mira.”
Kujtojmë se dhe këngëtarja Flaka Krelani ka reaguar për fitoren e Ilirit, e cila në vitin 2014 ka qenë përballë Lori Hoxhës në “Dancing With The Stars 4”, ku kjo e fundit u shpall fituese. Ndërkohë që në juri ishte kryetar Ilir Shaqiri që dha edhe vendimin.
Kjo situatë ka bërë Flakën ta konsideroj një “kthim borxhi” çmimin e parë në “BB VIP”.
“Si thuhet shqip: Kthema Borxhin”, ka shkruar motra e këngëtares, Qeqa dhe Flaka e ka shpërndarë duke e shoqëruar me shkrimin: “Sa shumë e duan shqiptarët këtë këngë, do ta këndoj sonte”.
Discussion about this post