Klubi i Real Madrid është duke kërkuar të afrojë talente të reja te skuadra e vetë dhe dy nga emrat më të kërkuar nga ‘Los Blancos’ janë ylli i PSG-së Kylian Mbappe dhe ai i Borussia Dortmund Erling Haaland.
Megjithatë që ‘Madrilenët’ të bëjnë afrime të tilla vitin e ardhshëm së pari do u duhet të jenë në të njëjtin drejtim me rregullat e La Ligas.
Presidenti i elitës së futbollit spanjoll, Javier Tebas i ka dhënë ‘Ok’ ‘Los Blancos’, ndërsa theksoi se klubi ka financat e nevojshme për të blerë të dy yjet dhe nuk bie në kundërshtim me ‘Fair-play’.
“Real Madrid shiti lojtarë duke arkëtuar afro 200 milionë euro, nuk humbi para, ndryshe nga të tjerët, ka para mjaftueshëm për të blerë si Mbappe ashtu edhe Haaland. Nuk arrij ta kuptojë se si një klub që ka humbur 400 milionë euro mund të refuzojë një ofertë të tillë për Mbappe”,-tha presidenti i Ligës spanjolle.
Ndërkohë rikujtojmë se Reali u fokusua shumë të Mbappe gjatë merkatos së verës, por nuk mori përgjigje pozitive nga francezët pavarësisht ofertave të frikshme që i drejtuan./Gijotina.com
