Kylian Mbappe është kthyer në një çështje te PSG, pasi 23-vjeçari ka humbur mbështetjen e dhomave të zhveshjes, teksa ditët e fundit po raportohet vazhdimisht për një largim të mundshëm të tij nga Parisi, pas vetëm 3 muajsh rinim të kontratës.
Mediat franceze raportojnë se edhe punonjësit e PSG -së janë kundër privilegjeve që i jepen yllit francez në këmbim të nënshkrimit të kontratës së tij muajz e kaluar.
Sipas “L’Equipe”, shtylla kurrizore e dhomës së zhveshjes së klubit, e udhëhequr nga një treshe amerikano-jugor (Neymar, Lionel Messi dhe Marquinhos) janë të pakënaqur me yllin francez dhe kanë mbështetjen e Achraf Hakimi, një treshe francezësh ( Presnel Kimpembe, Nordi Mukiele dhe Hugo Ekitike ) dhe trajneri Christophe Galtier.
Drejtuesit sportiv të klubit parizian formuan një ekip në të cilin Mbappe ishte guri i themelit të projektit dhe lider në dhomën e zhveshjes.
Për këtë qëllim, klubi sanksionoi largimet e Angel Di Maria dhe Leandro Paredes për të dobësuar bërthamën e amerikano-jugorëve.
Për më tepër, paraqitjet e dy yjeve të tjerë të klubit ( Messi dhe Neymar ) kanë tejkaluar ato të Mbappes gjatë ndeshjeve hapëse të sezonit, të cilat e kanë vënë më tej në pikëpyetje fuqinë e Mbappes në klub.
Mbappe mbetet i afërt me ata që janë në krye të departamentit sportiv të klubit. Luis Campos , Oliver Gagne dhe kreu i ri i komunikimit sportiv, Julien Maynard, thuhet se nuk kanë asnjë problem me performancat dhe kërkesat aktuale të Mbappe.
Gazeta franceze ka theksuar gjithashtu se punonjësit e klubit janë jashtëzakonisht të pakënaqur me yllin francez, pjesërisht për shkak të qëndrimit që ai shfaq në marrëdhëniet e tij të përditshme.
“Një ditë ai mbërrin në Camp des Loges, i gjithë buzëqeshi, bën shaka dhe i përshëndet të gjithë, dhe të nesërmen arrin pa thënë asnjë fjalë, nuk shikon askënd. Kështu ka qenë që nga fillimi i sezonit”, tha punonjësi i klubit.
Me situatën duke u përkeqësuar çdo ditë që kalon, duket sikur koha e Mbappes në kryeqytetin francez mund të ketë mbaruar.
Discussion about this post