Kylian Mbappe është një nga lojtarët më të paguar në botën e futbollit, teksa rinovimi me PSG-në në merkaton e verës e ka renditur atë në majë.
Mediat e huaja e kanë cilësuar rinovimin e francezit me parizienët si kontrata më e rëndësishme që ka firmosur një atlet.
“Le Parisien” ka zbuluar detaje nga marrëveshja që sulmuesi firmosi me drejtuesit e PSG, pa frikë mund të cilësohet si një kontratë sheikësh pasi shifrat janë më të vërtetë të pabesueshme.
Mbappe përfiton 72 milionë euro neto në sezon, në këtë shifër nuk përfshihen bonuse të ndryshme. Gjithashtu, vetëm për faktin që zgjodhi të rinovojë kontratën me PSG, Mbappe përfiton 180 milionë euro, shifër e cila do të paguhet me këste për 3 vite.
Në total, deri në 2025, kohë kur i përfundon kontrata, Mbappe do të përfitojë 630 milionë euro. Sipas “Le Parisien”, këto shifra e shndërrojnë francezin në futbollistin më të paguar në botë.
Discussion about this post