Mbaron me 7 gola derbi i shqiptarëve në përballjen Espanyol-Levante

Është mbyllur me rezultatin 4-3 ndeshja mes Espanyol dhe Levantes, e vlefshme për raundin e 17 të La Ligas.

Kjo ndeshje ishte shumë e luftuar nga të dyja palët, me golat që filluan që në minutën e 6. Ishte Darder ai që shënoi i pari duke i dhënë avantazhin për 5 minuta ekipit vendas, teksa në minutën e 11 De Frutos barazoi shifrat për ekipin e Levantes.

Më pas në minutën e 26 të këtij takimi Son shënoi golin e dytë për miqtë, duke e mbyllur në avantazhin pjesën e parë të kësaj sfide.

Megjithatë pjesa e dytë do të sillte një ndryshim në rezultate. Që në minutën e 4 të këtij takimi Espanyol barazoi shifrat me anë të De Tomas, por në minutën e 57 skuadra e Bardhit dhe Mustafit do të merrte sërish avantazhin falë golit të Morales.

Ky gëzim do të zgjaste vetëm 3 minuta, pasi Puado do të barazonte sërish për Espanyol, por më pas në minutën e 76 të ndeshjes realizoi dobietë për veten dhe poker për Espanyol, duke i dhuruar kështu fitoren ekipit të tij.

Ndërsa te Levante Bardhi dhe Mustafi e nisën këtë ndeshje si titullar, nga ana e vendasve, Keidi Bare u fut në fushë vetëm në minutën e 80, duke zëvendësuar Herreran dhe si për ironi të fatit vetëm një minutë më pas u dënua me karton të verdhë.

Ky rezultati ishte i dhimbshëm për Levanten që vazhdon të vuajë në vend të fundit të tabelës së La Ligas me 8 pikë pas 17 ndeshjes, ndërsa Espanyol u ngrit kështu në vend të 8 me 23 pikë./K.T/Gijotina.com