Mbrëmjen e sotme ka ardhur në Shqipëri një tjetër ngarkesë me vaksina kundër COVID-19.
Ministrja e Shëndetësisë Ogerta Manastirliu në një postim në Facebook njofton se mbërritën 31,590 doza vaksine Pfizer.
“Edhe 31,590 doza vaksine Pfizer mbërritën pak më parë në Aeroportin “Nënë Tereza”, duke e çuar në 2,045,310 sasinë e vaksinave anticovid që kanë mbërritur deri tani në vendin tonë” shkruan ministrja.
Në Shqipëri po injektohen dozat nga Pfizer, AstraZeneca, Sputnik dhe Coronavax.
