Në orët e para të mëngjesit të sotëm kanë mbërritur në aeroportin e Rinasit 37 qytetarë të tjerë afganë. Ministria e Jashtme njofton se në total numri i afganëve të strehuar në vend ka shkuar në 644 në një javë.
Mësohet se, ata janë akomoduar në godinat e “Qytetit Studenti”, për tu transferuar në ditët në vijim në struktura hoteliere në bregdet.
Afganët e tjerë që kanë ardhur në vend janë akomoduar në komplekse hoteliere në Durrës, Lezhë dhe disa prej tyre dhe në “Qytet Studenti”. Afganët e strehuar në vendin tonë janë bashkëpunëtore të NATO-s dhe perëndimit të cilët vendosën të largoheshin nga vendi i tyre pasi talebanët morën pushtetin.
