Qeveria e Britanisë së Madhe ka vendosur këtë të martë (8 gusht), një paketë tjetër sanksionesh ndaj një prodhuesi iranian të dronëve dhe një sërë biznesesh të tjera të huaja, duke i akuzuar ata për furnizimin e forcave ruse me armë dhe komponentë për përdorim kundër Ukrainës.
Sipas mediave të huaja, qeveria britanike vendosi 25 sanksione të reja ndaj individëve dhe bizneseve në Iran, Turqi, Bjellorusi, Sllovaki, Zvicër dhe Emiratet e Bashkuara Arabe, si dhe Rusi.
Kujtojmë se Britania, SHBA dhe Bashkimi Evropian kanë vendosur një sërë sanksionesh që nga shkurti i kaluar për të ndëshkuar Rusinë për luftën që po zhvillon në Ukrainë, të cilin Moska e quan një “operacion special ushtarak”.
“Sanksionet e sotme do të zvogëlojnë arsenalin e Rusisë dhe do të mbyllin rrjetën e zinxhirëve të furnizimit që mbështesin industrinë e mbrojtjes të Presidentit rus Putin”, tha ministri i jashtëm britanik James Cleverly.
Prodhuesi iranian i dronëve Paravar Pars dhe shtatë nga drejtuesit e tij, tashmë subjekt i sanksioneve të SHBA-së të shpallura në shkurt, dhe dy eksportues të mikroelektronikës me bazë në Turqi, Azu International dhe Turkik Union, ishin në mesin e atyre të cilat ishin “të shënjestruara” nga Britania.
Discussion about this post