Mesditën e sotme ka nisur pastrimi i zyrave të selisë së Partisë Demokratike, të cilat janë dëmtuar nga protestuesit. Një ditë pas protestës dhe përplasjes me demokratëve mbështetës të Berishës dhe Bashës, në selinë blu këtë të dielë vijon të ndihet era e gazit dhe tymi qarkullon nëpër zyra.
Të gjitha dyert dhe dritaret e selisë blu janë të shqyera, ndërsa në katin e dytë po pastrohen xhamat e thyer, gurët apo gjëra të tjera të hedhura nga protestuesit. Bëhet me dije se punonjësit kanë nisur me pastrimin e materialeve dhe të mjeteve të përdorura nga mbështetësit e Berishës për thyerjen e dyerve dhe të xhamave të godinës.
Nga dhuna e përdorur në protestën e një dite më parë janë thyer dyert dhe dritaret e institucionit, ku dëmi më i madh duket se është në katin e parë. Kujtojmë se mbështetësit e Berishës kanë filluar protestën paraditen e djeshme me dhunë ndaj demokratëve që ndodheshin në seli. Ata fillimisht kanë shqyer dyert me sende të forta dhe më pas kanë filluar të gjuajnë me gurë dhe tulla brenda zyrave. Gjendja u agravua edhe më shumë me ndërhyrjen e policisë, ndërsa mbetën të lënduar disa protestues.
Discussion about this post