Komisioni i Rithemelimit të Partisë Demokratike dhe mbështetësit e ish-kryeministrit, Sali Berishës janë futur sërish në selinë blu, ku depozituan zyrtarisht shkresën për shkarkimin e kryedemokratit Lulzim Basha.
Këlliçi u shpreh se demokratët po përballen me krizën më të rëndë të kaluar ndonjëherë në PD, ndërsa lexoi vendimin për shkarkimin e Bashës me argumentin se ka shkelur statutin.
“Demorkatët u përballën me krizën më të rëndë në parti. U përballën me krizën më të rëndë të identitetit të saj. Vendimi nr.6 datë 11 dhjetor 2021, vendosi shkarkimin e Bashës për thyerje të rënda të statutit të partisë. 43.385 demokratë nga 43.879 demorkatë votues kanë vendosur në favor të Kuvendit të Rithemelit pro shkarkimit tuaj. Me anë të këtij komunikimi, ju ftojmë të njiheni me vendimin e PD dhe organeve më të larta të saj. Kërkohet nga ju që të merrni masat për zbatimin e vendimit të Kuvendit duke liruar ambientet e punës të kryetarit të Partisë dhe duke kryer dorëzimet përkatëse deri më 5 janar 2022. Refuzimi i vendimit të Kuvendit Kombëtar dhe i vullnetit të anëtarëve të PD që ratifikuan këtë vendim, do të na detyrojë të shndërrohemi në përbaruesin politik të zbatimit të këtij vendimi.” tha Këlliçi.
Discussion about this post