Deputeti i qarkut të Beratit, Tomor Alizoti në një prononcim për mediat ka reaguar në lidhje me deklaratën që bëri sot kryeministri Edi Rama në Kuvend, ku tha se PD-ja është bërë si Partia e Punës.
Alizoti tha para gazetarëve se Rama e ka njohur më mirë së kushdo Partinë e Punës, pasi ajo parti identifikohej me babanë e tij.
“Me ngacmoi deklarata e kryeministrit i cili tha se “PD ka marrë tiparet e Partisë së Punës”. Ca gjera mund të qëndrojmë dhe ca gjëra jo. Njeriu që nga ana biologjike ka prejardhje të një xhelati, i biri i Kristaq Ramës dhe nipi i Kolekës, bridhte në rrugët e Bllokut, kur ne vuanim burgjeve, dhe vishte çorapet e kuqe. Partinë e Punës e ka njohur ai më mirë se kurrë. Ai duhet të jetë krenar që është pinjoll i Partisë së punës. Ai foli për veten e tij, partia e punës është Kristaq Rama dhe Spiro Koleka. Ai ka ikur të shëtisë, dhe të merret me punë boshe. I vetmi individ është se i dalin shokët në televizion dhe i bëjnë moral”, tha Alizoti.
Duke u ndalur te protesta e djeshme e qytetarëve në Tiranë për paralajmërimin për rritjen e çmimit të energjisë, Alizoti tha se është pro reagimeve të tilla.
“Unë flas si Alizoti dhe si pjesë e PD. Si Alizot Shqipëria nuk duhet të rreshti për të bërë protesta. Populli shqiptar është i vetmi popull në Ballkan që vuan për të rritur fëmijët. Ky është një popull i vuajtur. Unë jam për protestë maksimale nga ana e PD për këtë problem”, shtoi deputeti demokrat.
Në herët në Kuvend, Rama iu drejtua opozitës duke i akuzuar se janë mbeturina të Partisë së Punës, dhe për se për sa kohë përsërisin të njëjtën gjë, do të marrin të njëjtin rezultat.
