Presidentja e Kosovës, Vjosa Osmani theksoi sot në Ditën Ndërkombëtare për Përkujtimin e Viktimave të Zhdukur me Dhunë, se të zhdukurit me dhunë gjatë luftës së fundit në Kosovës vazhdojnë të jenë plaga më e thellë.
Ajo rikujton se vazhdojnë të jenë mbi 1600 të zhdukur me dhunë gjatë luftës së fundit në Kosovë, shumë prej tyre fëmijë.
“Synim i regjimit gjenocidal të Serbisë ishte shfarosja dhe shkatërrimi i identitetit tonë, i të ardhmes sonë. Duke e mohuar të vërtetën, Serbia po e përsërit vazhdimisht krimin. Duke mbajtur arkivat e mbyllura, pavarësisht dakordimit të Brukselit që e kërkon të kundërtën, Serbia po shkel edhe marrëveshjet e arritura.
E vërteta nuk mund të fshihet prapa propagandës se kinse Serbia qenka pro paqes dhe pro integrimit në BE. E vërteta është një dhe e vetme: në vitin 2024, Serbia ende fle mbi varreza masive të civilëve të pafajshëm”, shkruan Osmani.
Discussion about this post