Mbi 3 orë në SPAK, Agaçi: U thirra për inceneratorin e Tiranës

Sekretari i Përgjithshëm në Kryeministri, Engjëll Agaçi ka përfunduar dëshminë e tij në SPAK.

Ai qëndroi në Prokurorinë e Posaçme mbi 3 orë, ku është pyetur për aferën korruptive të inceneratorëve.

Pas daljes nga prokuroria ai pranoi në një prononcim të shkurtër për mediat se u thirr në SPAK si person në dijeni lidhur me hetimet për dosjen e inceeratorit të Tiranës. “Mendoj se ky nuk duhet të krijojë një lajm, pasi të gjithë ne duhet të jemi të gjithë në funksion të organit të drejtësisë, të cilit i uroj punë të mbarë”, shtoi ai.

Pak javë më parë emri i Agaçit u përmend edhe në një investigim të medias italiane “RAI 3”, ku ish-avokati akuzohej për lidhje me personat e botës së krimit.

Disa ditë më parë, për çështjen e inceneratorit, në SPAK dha shpjegime si person në dijeni edhe zëvendëskryeministrja Belinda Balluku.