794.010 shtetas shqiptarë dhe të huaj kanë hyrë në territorin shqiptar, në muajin të këtij viti 2021, janë 794.010. Krahasuar me Shtator 2020, ky tregues rezulton me një rritje 31,3 %. Ndërkohë , bëhet me dije se, numri i shtetasve të huaj të hyrë në Shqipëri gjatë nëntëmujorit të 2021, është 4.878.404, duke u rritur me 2,3 herë, në krahasim me të njëjtën periudhë të vitit 2020.
INSTAT evidenton se, polakët vijojnë të mbeten turistët besnikë të Shqipërisë, pasi regjistruan hyrje 4,6 herë më të lartë se 2020 dhe Shtetet e Bashkuara të Amerikës me 4,3 herë, ndërsa Greqia ka pasur rritjen më të ulët me 8,6 %, krahasuar me të njëjtën periudhë të vitit 2020.
Daljet e shtetasve
INSTAT raporton se, daljet e shtetasve shqiptarë dhe të huaj nga territori i Shqipërisë, gjatë muajit Shtator 2021 kapën shifrat e 961.342 personave,
duke shënuar një rritje me 36,1 %, krahasuar me të njëjtën periudhë të një viti më parë. Ndërsa daljet e shtetasve shqiptarë nga territori i Shqipërisë, gjatë muajit Shtator 2021, regjistrohen në 366.568. Krahasuar me shtator 2020, ky numër është rritur me 35,0 %.
