Autoritetet shëndetësore në Itali kanë raportuar sot 4,664 reja raste me koronavirus nga 267,358 testime të kryera. Një ditë më parë u njoftuan 5,193 infeksione nga 333,741 teste.
Në 24 orët e fundit 34 qytetarë e kanë humbur jetën si pasojë e virusit. Ndërsa që nga fillimi i pandemisë numri i viktimave ka shkuar në 129,919.
Pranimet në repartet e zakonshme janë ende në rënie katër më pak se një ditë më parë, ndërsa ata në kujdes intensiv po rriten pak (+12). Aktualisht pozitivë me Covid në të gjithë vendin janë 127.334.
