Mbledhja Shqipëri-Kosovë, Rama nuk i ndalon batutat: Ministër Liburni do kesh 3 gra për…

Në mbledhjen e tetë të përbashkët mes qeverisë së Kosovës dhe Shqipërisë kryeministri Rama nuk i ka kursye batutat ndaj ministrave të Kosovës.

Pasi ministrja e Infrastrukturës njoftoi marrëveshjen mes Kosovës dhe Shqipërisë për komitet të përbashkët të monitorimit të rrugëve në të dyja anët e kufirit, kryeministri Edin Rama batutat këtë herë i ka drejtuar ndaj ministrit të Mjedisit të Kosovës, Liburn Aliu.

Rama tha se të gjithë ministrat e Shqipërisë duan të bashkëpunojnë me Aliun dhe propoaoi që mbledhjen e ardhshme të dy qeverive të bëhet një masterplan për temën e mjedisit dhe turizmit, ku ministri i Mjedisit do të koordinojë.

“Shpresoj të mos i ngelet hatri askujt, po ka një entuziazëm të madh për bashkëpunimin me Liburnin, se di po do e ndash këtë përvojë me ne në drekën e punës, se ka frustrim nga gjithë të tjerët se përse nuk e kemi ne Liburnin. Jo për ju të dy nuk ka xhelozi, do ishte mirë që në mbledhjen e ardhshme, të bëhet një master plan i integruar për rrugët ndërkuiftare, për temën e mjedisit të turizmit në atë zonë. Liburn do kesh 3 gra e 2 burra, po ti do jesh kordinatori”, tha Rama.

19 do të jenë marrëveshjet që pritet të firmosen sot në Prishtinë në mbledhjen e përbashkët mes qeverive Shqipëri-Kosovë.

Marrëveshjet do të përfshijnë të gjitha çështjet, ndërkohë që hap shumë i rëndësishëm është firmosja e memorandumit të mirëkuptimit për hapat e mëtejshëm drejt bashkimit doganor.