Pas pezullimit nga PD, deputeti Tritan Shehu ka reaguar duke e quajtur “një veprim prej skuthash”. Shehu tha në një intervistë për Fax News, tha se ky është një vendim nul, sa kohë që sipas tij mbledhja e Berishës më 11 dhjetor e përjashtoi Bashën nga PD, ndonëse ky i fundit ndodhet në zyrë duke kryer i qetë detyrat që i takojnë.
“Nga kush kryesi të lutem? Sepse PD nuk ka as kryetar, as kryesi dhe as struktura të tjera. Çdo gjë tjetër është jashtë realitetit, është një vendim nul. Një grup njerëzish mund të mblidhet kur të dojë, dhe nëse vazhdojnë gjithë natës mund të kenë dhe çrregullime psikologjike, nuk ekzistojnë të tilla gjëra. Çdo njeri mund të thotë që unë marr x vendim, por është një qenie jashtë realitetit. Nuk merrem fare me persona që mblidhen si skutha gjatë natës, pranova të prononcohem, se është e çuditshme e gjitha kjo që ka ndodhur”, tha Shehu.
Ndër të tjera, ai shprehet i vendosur se nuk është pezulluar nga PD, dhe se i sheh me përbuzje veprimet që kanë si qëllim të shkatërrojnë qëllimet opozitare.
Discussion about this post