Arrestohet në Lezhë, shtetasi I. D., 28 vjeç, pasi u zbulua se vidhte celularë. Ai u kap në flagrancë bashkë me një të mitur duke vjedhur një të tillë.
Shërbimet e Policisë, gjatë kontrollit të ushtruar në banesën e shtetasit të arrestuar, gjetën dhe 3 aparate celularë, leje drejtimi dhe karta identiteti që u përkisnin shtetasve kosovarë, të cilat u sekuestruan në cilësinë e provës materiale.
Po ashtu një 32-vjeçar, banues në Suedi, u arrestua pasi u kap duke drejtuar mjetin pa leje drejtimi.
Gjatë kontrollit të ushtruar në automjetin e tij iu gjetën dhe sekuestruan në cilësinë e provës materiale 2 doreza metalike që plotësojnë kushtet e armë së ftohtë.
