Federata Italiane e Futbollit prej kohësh është duke kërkuar një format të ri të Serisë A dhe një reformë të sistemit.
Kërkesa e bërë e ditur para disa muajsh përfshin ndryshimin e kalendarit, duke filluar nga sezoni 2023-2024, por hapi i parë do të jetë më 21 korrik, pra nesër ku ndryshimet e mundshme do të diskutohen në Asamble.
Po ashtu në kërkesat e Federatës Italiane të Futbollit përfshihet edhe kthimi i kampionatit në 18 skuadra, nga 20 që janë aktualisht.
Klubet e Serisë A do të takohen për të vlerësuar efektet e mundshme të ndryshimeve të ardhshme në formatin e kësaj lige. Po ashtu në mbledhjen e Asamblesë do të diskutohet edhe futja e ndonjë “play off”-i dhe “play out”-i.
Megjithatë të gjitha ndryshimet për të cilat do të dakordsohet do të vihen në zbatim jo para kampionatit 2023-2024
Rikujtojmë që gjatë mbledhjes së fundit Seria A ka rezervuar mundësinë për të ndryshuar formatin e garës në sezonet e ardhshme./Gijotina.com
