Kuvendi i Shqipërisë do të mblidhet ditën e sotme në orën 10:00 ku do të diskutohet ndër të tjera, dhe për organizimin e 6 marsit dhe marrëveshjen me Greqinë.
Në pikën e parë është interpelanca mes ministrit të Drejtësisë Ulsi Manjës dhe deputetit Kastriot Piroli. Më pas deputetët do të diskutojnë projektligjin “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Qeverisë së Republikës së Greqisë, për ngritjen dhe funksionimin e një qendre të përbashkët policore dhe doganore”.
Po ashtu në rend dite janë dhe diskutimet për Projektvendimin “Për miratimin e strukturës, organikës dhe klasifikimit të pagave të personelit të Komisionit Qendror i Zgjedhjeve”, “Për miratimin e strukturës, organikës dhe klasifikimit të pagave të personelit me kohë jo të plotë pune, që rekrutohet për përpunimin e materialeve zgjedhore, të Komisionit Qendror të Zgjedhjeve”, “Për miratimin e strukturës, organikës dhe klasifikimit të pagave të personelit me kohë jo të plotë pune, që rekrutohet për zhvillimin e zgjedhjeve të pjesshme, të Komisionit Qendror të Zgjedhjeve”.
Discussion about this post