Pas Armando Brojës, që ngriti peshë “St Mary’s Stadium” për të dytën ndeshje radhazi në Premier League, në Bundesligën e Austrisë lë shenjë edhe Giacomo Vrioni.
Sulmuesi 23-vjeçar, i huazuar te skuadra e Tirolit nga Juventusi, realizoi golin e vetëm në takimin e zhvilluar në fushën e Admiras, duke i dhënë tri pikë ekipit të tij. Vrioni mori përsipër ekzekutimin e një 11-metërshi në limitet e kohës së rregullt dhe u tregua i saktë, me topin që tundi rrjetën.
Vrioni nuk ishte titular këtë takim, po u aktivizua në minutën e 61’ në vend të Blume. Kujtojmë që ky është goli i katërt i shqiptarit me fanellën e Tirolit në këtë kampionat, që kur u huazua nga bardhezinjtë e italisë në merkaton e kësaj vere.
