Bashkimi Evropian dhe Britania kanë arritur një marrëveshje që do të rivendoste marrëdhëniet pas Brexit. Marrëveshja përfshinë sektorin e mbrojtjes, sigurisë, peshkimit dhe lëvizshmërinë, duke i hapur rrugën firmave britanike për të marrë pjesë në kontratat e mëdha të mbrojtjes së BE-së.
Një kontratë 12-vjeçare gjithashtu është rënë dakord, për aksesin e peshkimit për anijet e BE-së në ujërat e Mbretërisë së Bashkuar. Dokumenti pritet të miratohet nga të 27 qeveritë e vendeve të BE-së.
Detajet specifike të marrëveshjes nuk janë bërë ende publike. Britania do të presë sot një samit të udhëheqësve të BE-së. Samiti synon të “rivendosë” marrëdhëniet, pasi Mbretëria e Bashkuar u largua nga BE më 31 janar 2020.
Discussion about this post