Mbrëmja e djeshme ishte e paharrueshme për Italinë, që ktheu pas disa dekadash trofeun e kampiones së Europës në Romë, duke mundur Anglinë në “Wembley” dhe festa natyrshëm është e madhe.
Një foto e Chiellinit dhe Bonuccit u bë menjëherë virale në rrjetet sociale. Dy mbrojtësit pozuan të shtrirë në shtrat, me trofeun në mes.
Mëngjesin e sotëm lojtarët dhe stafi i skuadrës kanë mbërritur në Itali. Me daljen nga avioni, kapiteni Chiellini dhe trajneri Roberto Mancini ngritën trofeun për herë të parë në tokën e tyre.
Më pas ata erdhën në hotelin e skuadrës dhe në sy ra sërish Chiellini. Kapiteni mbante bashkë me Donnarumman trofeun në dorë dhe në kokë kishte vënë një kurorë.
