Frederik Veseli ka vendosur të largohet nga Italia, ku aktivizohej me Beneventon.
Mbrojtësi shqiptar, i cili ka lindur në Renens të Zvicrës, largohet nga Italia pas shtatë sezonesh, në të cilat ka veshur edhe fanellat e Empolit dhe Salernitana-s (me një periudhë në Francë, me Le Mans në mes), dhe kalon në Turqi duke nënshkruar një kontratë deri më 30 qershor 2025 me Karagumruk.
I lindur në vitin 1992, Veseli e filloi karrierën e tij në ekipet e të rinjve të disa klubeve zvicerane, por hapi i madh erdhi në moshën 16-vjeçare, kur hyri në Akademinë e Manchester Cityt.
Pas katër sezonesh ai u transferua në anën tjetër të qytetit përpara se të transferohej te Ipsëich, i cili e huazoi atë në Bury dhe Port Vale.
Më pas një sezon i mirë te Lugano (2015-16) dhe ardhja e tij në Itali: qëndroi te Empoli për tri vjet e gjysmë, dy te Salernitana dhe një te Benevento, duke pasur 149 paraqitje mes Serisë A dhe Serisë B.
Discussion about this post