Yann Bisseck është emri i tretë që bëhet pjesë e Inter në këtë merkato të verës pas Marcus Thuram dhe Davide Frattesi. Mbrojtësi vjen si një përforcim nga radhët e danezëve të Aarhus teksa kartoni i gjermanit i kushtoi arkave të klubit italian shtatë milionë euro, para që do të paguhen të ndara në dy këste.
Bisseck ka firmosur një kontratë deri në vitin 2028 me Interin në fjalët e tij të para si lojtar zikaltër, mbrojtësi u shpreh se është gati dhe i lumtur për aventurën më të re në karrierën e tij. Bisseck është një lojtar i konsideruar me të ardhme të madhe dhe së fundmi ishte pjesë e Gjermanisë U21 në kmapionatin europian për të rinjtë, madje duke mbajtur edhe shiritin e kapitenit te “panzerat”.
Ndërkohë, në sezonin e fundit me Aarhus, Bisseck regjistroi 35 ndeshje duke shënuar edhe pesë gola.
Discussion about this post