Pas publikimit të lajmit se qendërmbrotjësi i Kombëtares polake, Bartosz Salamon dyshohej se mund të kishte rezultuar pozitiv në testin anti-doping pas ndeshjes së kthimit të fazës së 1/8-ve të UEFA Conference League ndaj suedeze të Djurgarden tashmë dyshimet kanë marrë fund dhe 31-vjeçari do të duhet të përballet me “ndëshkimet” e UEFA-s.
Sipas analizave në gjakun e tij u zbulua prania e klortalidonit një diuretik i përfshirë në listën e substancave të ndaluara dhe për këtë arsye UEFA vendosi ta pezullojë për 3 muaj polakun nga fushat e blerta, duke filluar që nga ndeshja e mbrëmjes së sotme, në çerek-finalet e UEFA Conference League, ndaj Fiorentinas.
Për sa i përket një fitoreje në tavolinë të Shqipërisë ndaj Polonisë (duke parë që ka dyshime të forta se ai ka përdorur substanca të ndaluara edhe në takimin kualifikues për EURO 2024 ndaj kuqezinjve), tifozët shqiptarë nuk duhet të mbajnë shpresa për diçka të tillë, kjo prej faktit se për të fituar në këtë mënyrë, Polonia duhej të kishte pozitivë të paktën tre lojtarë, sipas rregullave të UEFA-s.
Discussion about this post