Këtë të dielë skuadrat e Kategorisë Superiore zbritën në fushë për tu përballur në kuadër të javës së 10-të të kampionatit ku çiftet Dinamo-Kastrioti dhe Kukësi-Egantia sapo kanë mbyllur pjesët e para të lojës.
Dinamo dhe Kastrioti u përballën në Elbasan Arena me të dyja skuadrat që motivin e vetëm kanë fitoren në këtë takim në tentativë për tu larguar nga zona e rrezikshme e renditjes.
Dinamo e nisi ‘vrullshëm’ që në minutat e pata duke rrezikuar portën krutane nga një goditje dënimi, por skema e trajnerit Shkëmbi kuptohet nga kundërshtarët dhe bllokohet gjithçka. Kastrioti do të shfaqej ‘i frikshëm’ nga ky moment duke tentuar me goditjet e Mëllungjas dhe Grecës ku aksioni i këtij të fundit mund të ndryshonte rrjedhën e takimit, por njoftohet nga kryesori i ndeshjes për pozicion jashtë loje, në pjesën e parë që u mbyll me shifrat 0-0.
Kukësi dhe Egnatia sapo kanë mbyllur pjesën e parë të takimit në barazimin pa gola 0-0
Verilindorët arritën të marrin avantazhin e takimit në minutën e 11’ me golin e Edi Bashës, por gjyqtari Myrtja e vlerëson të pavlefshëm ate duke akorduar një faull.
Minutat e tjera të kësaj pjesë gjetën sërish Kukësin teksa tentonte të befasonte skuadrën e Gugash Maganit, që kulmuan me ndërhyrjen e Taipit në dëm të Telushit, por fatmirësisht përfundoi pa asnjë dëmtim duke i lënë në këtë mënyrë rrjetat e paprekura në ketë pjesë të parë.
Discussion about this post